Подпишитесь на нашу ежедневную рассылку с новыми материалами

Рынок и право


Міністэрства сувязі і інфарматызацыі лічыць, што работа па вызваленні частотнага рэсурсу для ўкаранення ў Беларусі сувязі трэцяга пакалення 3G вядзецца недастаткова актыўнымі тэмпамі.

Як паведаміў БелаПАН прадстаўнік Мінсувязі, умовы для актывізацыі такой работы ў краіне створаны. Мабільныя аператары гатовы плаціць за выкарыстанне частотнага рэсурсу. Вынікі доследнага тэставання гэтай паслугі ў мінулым годзе сведчаць аб тым, што яна карыстаецца попытам і ў абанентаў. Аднак, падкрэслілі ў Мінсувязі, на працягу года ніякіх актыўных мер па вызваленні частотнага рэсурсу пакуль не прынята.

Варта адзначыць, што пытаннем выдзялення частот для сетак 3G з восені мінулага года займаецца спецыяльная міжведамасная рабочая група ў рамках беларускай Дзяржаўнай камісіі па радыёчастотах. Гэтая група павінна вызначыць частоты, тэрміны і ўмовы адкрытага конкурсу на атрыманне ліцэнзій на будаўніцтва сетак новага пакалення. У склад камісіі ўваходзяць і прадстаўнікі сілавых структур. Чакалася, што гэтая рабочая група вынесе сваё рашэнне па гэтым пытанні яшчэ ў ліпені гэтага года, аднак гэтага не адбылося. "Прынамсі, Мінсувязі не інфармавана аб канкрэтных тэрмінах вызвалення такога частотнага рэсурсу і магчымасці ўкаранення такіх тэхналогій", — зазначыў прадстаўнік міністэрства.

Укараненне бесправадных тэхналогій сувязі трэцяга пакалення 3G (Third Generation Wireless) плануюць лідэры беларускага рынку сотавай сувязі. Тэхналогія 3G вызначаецца высокай хуткасцю перадачы звестак, якая дазваляе за лічаныя секунды перадаваць і атрымліваць па сотавым тэлефоне відэавыявы і іншыя звесткі, загружаць інфармацыю ў тэлефон, глядзець па тэлефоне тэлепраграмы, выкарыстоўваць інтэрнет і электронную пошту.

У сярэдзіне кастрычніка 2006 года Савет міністраў Беларусі зацвердзіў праграму развіцця сувязі на 2006—2010 гады. Згодна з дакументам, за гэты час у краіне павінна быць створана сетка "сотавай рухомай электрасувязі трэцяга пакалення 3G". У пастанове вызначаны некаторыя ўмовы выдзялення частотнага рэсурсу — частоты будуць прадавацца на конкурснай аснове дзейным аператарам сувязі і прэтэндэнтам на будаўніцтва сеткі. Умовы і тэрміны правядзення конкурсу ў пастанове не агаворваліся.


Нужные услуги в нужный момент
{banner_819}{banner_825}
-20%
-10%
-50%
-50%
-10%
-20%
-20%
-30%
-25%