Подпишитесь на нашу ежедневную рассылку с новыми материалами

В Беларуси


У беларускамоўнай Вікіпэдыі класычным правапісам – больш за 30 тысяч артыкулаў Беларускамоўная Вікіпэдыя клясычным правапicам ("тарашкевiца") цяпер змяшчае больш за 30 тысяч артыкулаў. У сусветна вядомай вольнай энцыкляпэдыі зараз знаходзiцца больш за 17 мільёнаў артыкулаў на 257 мовах. Пра гэта дасягненне актывiсты праэкту распавялi у прэс-рэлiзе.
 
Згодна з iм, беларуская Вікіпэдыя клясычным правапісам пераадолела мяжу ў 30 тысяч артыкулаў 7 сьнежня 2010 году.

Юбілейным стаў артыкул пра скваркі, які распачаў удзельнік Raviaka Ruslan. За паўтара гады (з 17 чэрвеня 2009 году) колькасьць артыкулаў у Вікіпэдыі павялічылася ў паўтара разы. Дзякуючы плённай працы ўдзельнікаў некалькімі апошнімі месяцамі былі створаныя і ўзбуйненыя артыкулы на найбольш істотныя тэмы, за што беларуская Вікіпэдыя па выніках мінулага месяцу атрымала першае месца як найбольш прагрэсуючы раздзел.

На цяперашні час разьдзел вольнай энцыкляпэдыі на беларускай мове класiчным правапісам займае 65 месца з 276 разьдзелаў на ўсіх мовах сьвету. Асноўнымі тэмамі зьяўляюцца тэмы, якія тым ці іншым чынам тычацца Беларусі — геаграфіі, гісторыі, выбітных асобаў, дзяржаўнага ладу. Сярод апошніх артыкулаў можна адшукаць зьвесткі пра «маладнякоўцаў», гомельскія вуліцы, прадстаўнікоў шляхецкіх родаў Сапегаў, Радзівілаў, Алелькавічаў і нават узгадаць гісторыю Ўсебеларускіх народных сходаў, чацьвёрты зь якіх праходзіў гэтымі днямі ў Менску.

Агулам у беларускай Вікіпэдыі клясычным правапісам існуюць амаль 80 тысячаў старонак і 15 тысячаў удзельнікаў, якія разам зрабілі больш за 875 тысячаў правак. Колькасьць актыўных удзельнікаў разьдзелу, якія зрабілі прынамсі 5 рэдагаваньняў у кастрычніку 2010 году, склала 38 асобаў. Разьдзел Вікіпэдыі на беларускай мове быў створаны 12 жніўня 2004 году.

Найбуйнейшым разьдзелам Вікіпэдыі зьяўляецца раздзел на ангельскай мове – ён утрымлівае больш за 3 495 000 артыкулаў. Таксама мільённую мяжу пераадолелі разьдзелы на нямецкай (больш за 1 157 000 артыкулаў) і францускай (больш за 1 041 000 артыкулаў) мовах. Агульная колькасьць артыкулаў на ўсіх мовах перавысіла 17 мільёнаў.

Існуе таксама беларуская Вікіпедыя афіцыйным правапісам ("наркамаўка"), якая налічвае 25,5 тысяч артыкулаў і займае 69-е месца адпаведна ў спісе ўсіх Вікіпэдыяў. Ад пачатку заснаваньня 12 жніўня 2004-га артыкулы ў беларускай энцыкляпэдыі пісаліся разам абодвума правапісамі, але ад 2007 усе артыкулы класiчным правапісам былі аддзеленыя ў асобны праект з ініцыятывы энтузіястаў стварэньня Вікіпэдыі афіцыйным правапісам.

ССЫЛКИ ПО ТЕМЕ




Нужные услуги в нужный момент
{banner_1133}