Поддержать TUT.BY
65 дней за решеткой. Катерина Борисевич
Коронавирус: свежие цифры
  1. В Беларуси произошли массовые прорывы теплосетей. Неужели все так плохо?
  2. В Совбезе ООН выступили Тихановская и Латушко — напомнили о репрессиях. Постпред Беларуси спросил о свободе слова
  3. История врача, который два раза переболел ковидом и четыре раза был задержан — но не теряет оптимизма
  4. Опасный прецедент. Во что нам может обойтись отказ Yara от контракта с «Беларуськалием» (и почему все это важно)
  5. В России ищут 80 вагонов для поставки бронетранспортеров БТР-80 в Беларусь. Разбираемся, в чем дело
  6. Умер Ларри Кинг
  7. Пять лучших сериалов о сексе, от которых точно кайфанут зумеры
  8. Милиция так и не смогла найти, кто повредил мотоцикл байкера, который лихо уходил от погони ГАИ во время протестов
  9. «Поток ринувшихся к границе превратил окраину Бреста в «прифронтовую полосу». Как нашим уже пытались запретить выезд
  10. В Борисове горел дом: погибли четыре человека
  11. ТВ-горки и стенки канули в прошлое. Дизайнеры рассказали, какие полки и TV-тумбы в тренде
  12. Московский суд арестовал белорусского бойца Алексея Кудина на два месяца
  13. Бывший студент БНТУ подал иск, чтобы отменить свое отчисление. Вот что решил суд
  14. «Муж старше моей мамы на два года». История пары с большой разницей в возрасте
  15. Норвежская компания Yara отреагировала на заявления «Беларуськалия» по возврату уволенных работников
  16. «Даже взгляд сфокусировать не мог». Поговорили с родными ученика, который после школы с ЧМТ попал в больницу
  17. Минск лишили права проведения чемпионата мира по современному пятиборью
  18. В городах России проходят акции протеста: сообщается о сотнях задержанных
  19. Акции протеста, самоподжог на площади, Тихановская в Совбез ООН. Что происходило в Беларуси 22 января
  20. Цепи солидарности, около 100 задержанных. Что происходит в Беларуси 23 января
  21. «Не уверен, что он сам в этот колодец бы прыгнул». Родители о гибели 10-летнего мальчика в Пуховичском районе
  22. Новый КоАП вводит правило «первого раза» для водителей: за какие нарушения сначала не будет штрафа
  23. 18-летней Софии, которая расписала щиты военных, дали два года колонии. Ее другу — полтора
  24. На продукты, лекарства и детские товары подняли НДС. Рассказываем, что может заметно подорожать
  25. В ТЦ «Пассаж» конфликт: предприниматели остались без света, работать не пускают охранники
  26. Двое детей, с женой в разводе. Кто тот минчанин, который поджег себя на площади Независимости
  27. В Беларуси с начала пандемии — 235 859 человек с COVID-19. Сколько новых случаев обнаружили за сутки
  28. Послы Польши и Литвы так и не вернулись в Минск после отзыва в свои столицы осенью. Это надолго?
  29. «Противопоставление официальным комментариям». Генпрокуратура передала в суд дело журналиста TUT.BY и врача БСМП
  30. «Условия крайней необходимости». СК отказался возбуждать дело на милиционера, который в Жодино ударил женщину в лицо


Ігар Карней,

Ці не асцерагаліся менеджары, што беларускамоўнасць звузіць мэтавую аўдыторыю? З начальнікам аддзела кіравання брэндам velcom Змітром Курловічам пагутарыў Ігар Карней.

Внимание! У вас отключен JavaScript, ваш браузер не поддерживает HTML5, или установлена старая версия проигрывателя Adobe Flash Player.

Открыть/cкачать видео

— Сама па сабе ідэя ўзнікла неяк раптоўна. Мы проста паглядзелі, як у нас атрымліваюцца нашы рэкламныя ролікі, і падумалі: а чаму не зрабіць іх па-беларуску? І неўзабаве распачалі некаторыя кампаніі на беларускай мове. Цяпер яны стаяць калі не асобна, то, прынамсі, выглядаюць вельмі адметна. Зусім не так, як астатнія. Што да таго, ці звузіла гэта кола тых, хто глядзіць рэкламу, — не. Мы нават праводзілі адмысловае апытанне: ці разумеюць людзі беларускамоўную рэкламу? Наладзілі некалькі фокус-груп, а таксама задавалі гэта пытанне, калі рабілі вялікае даследаванне. Аказалася, што ніякіх праблем — усё добра, усе разумеюць. Нават калі людзі і не гавораць па-беларуску, яны цалкам разумеюць, што мы ў нашай рэкламе казалі.

Некаторыя спецыялісты лічаць беларускамоўную рэкламу больш запамінальнай — прынамсі, яна выбіваецца з татальнай масы рускамоўнай.

— Магчыма, гэтая акалічнасць таксама стала адной з прычын таго, што мы звярнуліся да беларускай мовы. Мы бачым, як людзі рэагуюць на гэтую рэкламу, якія пішуць каментары пра тое, што ўбачылі. Магу сказаць, што мы маем досыць шмат праглядаў беларускамоўных ролікаў, і гэта таксама вельмі добра як з пункту гледжання пазнавальнасці кампаніі, так і з гледзішча культурніцкага, а таксама камерцыйнага. Таму ўва ўсіх адносінах добрая справа, што мы робім рэкламу па-беларуску.

Беларускамоўныя ролікі сапраўды запомніліся як нестандартнасцю падыходу, так і прафесійнай якасцю — "Час упэўненых", "Заўтра пачынаецца сёння". Адчуванне, што яны скіраваныя не столькі на камерцыйную аддачу, колькі на імідж.

Так, гэта іміджавая кампанія. То бок і "Маскі", якія ішлі па-беларуску, і цяперашняя беларускамоўная смарт-рэклама ствараюць пэўны імідж. Мы лічым, што тыя людзі, на каго гэтая прадукцыя арыентаваная, яны якраз добра ставяцца да беларускай мовы, разумеюць яе і, магчыма, нават размаўляюць па-беларуску. Таму мы палічылі, што будзе добрай ідэяй зрабіць на беларускай мове ўсю кампанію.

Внимание! У вас отключен JavaScript, ваш браузер не поддерживает HTML5, или установлена старая версия проигрывателя Adobe Flash Player.

Открыть/cкачать видео

Многім вядома, што відэаролікі для velcom ствараюцца літоўскімі адмыслоўцамі. У Беларусі няма прафесіяналаў адпаведнага ўзроўню?

— Насамрэч мы працуем не толькі з літоўскімі, а і з беларускімі агенцтвамі. Прыкладам, у Беларусі мы шчыльна супрацоўнічаем з агенцтвам "Крынь". Што да літоўцаў, то яны больш кансультуюць у некаторых пытаннях. Наш пасыл такі: мы — замежная кампанія, еўрапейская кампанія. І з гэтай нагоды нам патрэбна разуменне рэкламы з пункту гледжання еўрапейцаў. Увогуле, калі мы вырашылі, што нам у партнёры неабходна еўрапейскае агенцтва, пачалі шукаць у бліжэйшым асяроддзі. Польшча — ёсць цяжкасці не толькі з мовай, але з агульным успрыняццем сітуацыі ў нашай краіне, праблемы з разуменнем менталітэту. А вось Літва — бліжэйшы да нас сусед, дзе можна знайсці людзей, якія і размаўляюць і па-беларуску, і па-руску, і разумеюць нас значна лепш сутнасна. І пры гэтым яны ўжо бліжэй да Еўропы, успрымаюць еўрапейскія каштоўнасці і здольныя зрабіць прадукт еўрапейскага ўзроўню. Таму вырашылі паспрабаваць папрацаваць з літоўскім агенцтвам. Мы не робім з імі шмат ролікаў, але такія кампаніі, дзе хочам бачыць еўрапейскі погляд на тую ці іншую праблему, аддаём літоўцам.

Пэўная частка грамадства лічыць беларускую мову "сялянскай", такой, якая не пасуе "сур’ёзным справам". Пра што гэта сведчыць: пра зашоранасць людзей, пра недахоп элементарнай культуры, адукацыі?

— Магчыма, гэта проста спадчына савецкіх часоў, калі беларуская мова не развівалася, калі яе адсоўвалі на другія пазіцыі. Збольшага гэта засталося ў людзей у "падкорцы", і чамусьці мы так лічым дагэтуль. Як для мяне, дык беларуская мова — паўнавартасная, добрая, прыгожая, і варта жалю, што мы на ёй не размаўляем кожны дзень. Асабіста я не бачу, што гэта нейкая сялянская мова. Усё залежыць ад таго, дзе ты ёй карыстаешся, як ты ёй карыстаешся. Калі карыстаешся ёй толькі дзеля таго, каб адлюстраваць нейкія сялянскія справы, магчыма, нехта і пачынае лічыць, што гэта сялянская мова. Мне ж здаецца, што гэта цудоўная мова, і хочацца толькі пажадаць, каб яе выкарыстанне пашыралася.

Відавочна, што так званае "двуязычие" забівае беларускую мову — дэклараванае двухмоўе працуе на карысць выключна рускай.

— Так, існуе пэўны стэрэатып: паколькі ў Беларусі бальшыня разумее і карыстаецца рускай мовай, давайце рабіць усё па-руску. Гэта проста памылка, мне здаецца. Таму што мы бачым, як людзі рэагуюць на беларускую мову, як яны яе ўспрымаюць. Так, мы таксама атрымліваем нейкія каментары — чаму вы не зрабілі гэта па-руску, маўляў, большасць хоча на рускай мове. Але, як я ўжо казаў, мы рабілі даследаванне, каб даведацца, ці разумеюць людзі тое, што мы хочам сказаць у нашай рэкламе. Усе цудоўна разумеюць! Я не бачу тут ніякіх бар’ераў — проста трэба карыстацца, і ўсё, праблемы не будзе.

То бок у рэкламнай галіне перспектывы для беларускай мовы ёсць?

— Проста трэба, каб былі тыя людзі, якія жадаюць яе развіваць. Напрыклад, мы не бачым ніякіх праблем з выкарыстаннем беларускай мовы ў нашай рэкламе. Я не магу казаць за іншыя кампаніі ці за рэкламныя агенцтвы, але я сустракаю людзей з розных фірм, якія таксама лічаць, што беларускай мове трэба знайсці належнае месца. Ёсць пэўныя праблемы якраз з замежнымі кампаніямі, кіраўніцтва якіх часцяком знаходзіцца за межамі Беларусі і лічыць, што тут усе гавораць па-руску. Таму, магчыма, і з нейкім скепсісам ставяцца, калі тут праяўляюць ініцыятыву — маўляў, давайце зробім беларускамоўную кампанію. Мне падаецца, што праблема палягае ў тым, наколькі тыя ці іншыя людзі адукаваныя. Усё ж адукаваныя людзі добра ставяцца да беларускай мовы, разумеюць яе і не бачаць ніякіх бар’ераў, каб размаўляць па-беларуску ці ўспрымаць беларускамоўную рэкламу.

У сітуацыі, калі дзяржава фактычна згортвае тэрыторыю ўжытку беларускай мовы, грамадства само актывізуе высілкі. Як ставіцеся да "народных ініцыятыў" кшталту "Мова ці кава", іншых моўных курсаў? Ці можна заахвоціць беларусаў не саромецца роднай мовы?

— Лічу, што гэта вельмі добрыя ініцыятывы — сам хацеў хадзіць на "Мову ці каву", але, на жаль, проста не знайшоў часу. Я таксама перакананы: грамадства само павінна ўсё гэта пачынаць і развіваць мову. Нельга чакаць, што гэта ўсё будзе нейкім чынам развівацца праз дзяржаву, праз кіраўніцтва краіны. Мне асабіста вельмі не падабаецца, калі кажуць, што беларуская мова нейкая там мёртвая ці нешта ў такім духу, бо людзі ёй не карыстаюцца. Пакуль ёсць тыя, хто яшчэ чытае, разумее, размаўляе, то мова будзе жыць і надалей. Але трэба больш актыўна мову падтрымліваць. Зразумела, у нас цяжкае становішча з двухмоўем, нават не столькі цяжкае, колькі незразумелае. Але ёсць прыклады той жа Ірландыі, таго ж Уэльса, дзе таксама ёсць нацыянальныя мовы, на якіх цяпер размаўляе няшмат людзей. Тым не менш яны існуюць, людзі іх падтрымліваюць, развіваюць і не даюць ім знікнуць.

Што тычыцца velcom, то мы плануем яшчэ не аднойчы рабіць беларускамоўныя кампанii i браць удзел у беларускамоўных праектах.

Зміцер Курловіч скончыў факультэт міжнародных эканамічных адносін Беларускага дзяржаўнага эканамічнага ўніверсітэта, працаваў у рэкламных агенцтвах "Starcom MediaVest", "Крынь". Ад 2010 года — у кампаніі velcom, цяпер на пасадзе начальніка аддзела кіравання брэндам. 
-30%
-10%
-65%
-10%
-10%
-20%
-20%
-15%
-15%